Julia Rodriguez

Ich bi d Julia.

​

Min Name Julia heisst «die Göttlichi» und «die Strahlendi». Ja also … das lahn mer mal so stah 😄
Und ja – ich bi neugierig, wild und frei, mängisch aber au chlii und ängstlich.
Also e ganz normali (hoffentlich nöd zue normale) Mänschin.

​

I minere Chunst treffed Farb, Form und Wort ufänand. Bilder, Objekt und Text entstönd us innere Bewegige – lauschend, tastend und im Vertraue druf, dass sich zeigt, was cho will.

 

Mich interessiered Nöchi und Wiiti, Halt und Loslah, Stilli und wilds Läbe. Dä Moment im Körper, bevor Gfühl Wort hend.

​

Mini Chunst darf weich sii und gliichziitig chraftvoll, liislig und trotzdem präsent.

 

Si will nüt erkläre, sondern iilade: langsamer z werde, z spüre und eigeti Bilder z entdecke.

​

Ich lieb’s bunt. Scho als Chind bin ich uf em Buch glege und ha gmalt, Schallplatte glost und bin i anderi Wälte abtaucht. Gib mir Farb, Schere, Liim und Papier – und ich bi glücklich.

​

Mini Bilder sind mini Wälte.
Mini Collage sind Überraschige.
Mini Foulards sind Träum us Stoff.
Mini Skulpture sind Gfühl i Form.
Mini Zündhölzpäckli sind chlini Funke Freud.
Mini Fotos sind mini Auge.
Mini Wort sind mini Gedanke.

​

Danke fürs Luege. Das freut mich sehr. Und villicht gseht mer sich ja mal a ere Usstellig – ich bin gspannt, wer du bisch.